Avvalgi yangiliklarimizdan birida, "Nihol" davlat mukofoti sovrindori xonanda Ziyoda bu yil o'zining yakkaxon konsert dasturini taqfim etish niyati mavjudligi haqida to'xtalib o'tgan edik. Aynan ushbu yakkaxon konsert sanasi ham mana bugun aniq bo'ldi. Shunday qilib kuz faslida, ya'ni 31-oktabr va 1-noyabr kunlari muhtasham Istiqlol san'at saroyida betakror Ziyodaning yakkaxon konsert dasturidan baxramand bo'lishimiz mumkin bo'ladi. Unga qadar esa yangidan-yangi taronalar kuylashga bel bog'lagan ijodkor o'zining navbatdagi kompozitsiyasini taqdim etmoqchi. Bahodir Nizamov g'oyasi, musiqa va oranjirovka Umid Obidov tomonidan bastalangan "Parishon" kompozitsiyasi tez kunda saytimiz orqali hukmingizga havola qilinadi. Muhabbatni o'zida aks ettirgan qo'shiq sizga albatta manzur bo'lishi aniq.