Florensiya (Italiya) sohilbo‘yilaridan biriga qo‘yilgan 20 dan ortiq avtomobil o‘pirilish tufayli yerostiga quladi. Bu haqda ANSA xabar bermoqda. 

Foto: ANSA

Natijada 200 ga yetti metr atrofidagi jarlik paydo bo‘ldi. Hodisa mahalliy vaqt bilan ertalabki 6:30 da, sohilbo‘yida odamlar yo‘q payti ro‘y berdi, shu bois qurbonlar bo‘lmadi. Shahar meri Dario Nardellaga ko‘ra, "o‘pirilish tufayli o‘ta jiddiy zarar ko‘rilgan”.

Foto: TJournal

Yuz bergan hodisa sabablari hozircha ma’lum emas. Taxminlardan biriga ko‘ra, o‘pirilishga shaharning bosh suv arteriyasi — Arno daryosi ta’sir ko‘rsatgan, boshqasiga ko‘ra tuproqqa gidrozarba tufayli shikastlangan yirik suv quvurlaridan biridan suv sizgan. Mutaxassislar jarlik kengaymasligi ustida ishlamoqda.