| Главная » Доска объявлений » DUNYO NEWS |
Муҳаммад Али кийган қўлқоп аукционга қўйилди
| 13.07.2016, 00:51 | |
| Али ўзининг дастлабки мағлубиятини ватандоши Жо Фрейзердан қабул қилиб олган. Афсонавий боксчи Муҳаммад Алининг бокс қўлқоплари АҚШнинг Нью-Жерси штатида аукционга қўйилди. Бу ҳақда Goldin Auctions уйи хабар қилди. Маълумотларга қараганда, ушбу қўлқопларда Али 1971 йил ўзининг ватандоши Жо Фрейзерга қарши рингга чиққан ва фаолиятидаги биринчи мағлубиятга учраган. Аукцион уйи мазкур қўлқопни бир миллион АҚШ долларидан кам нархда сотилмаслигига ишонмоқда. “Алининг бокс қўлқоплари унинг ўлимидан олдин миллионлаб долларга сотилди. Унинг вафотидан кейин унга алоқадор бўлган буюмларнинг нархи янада ошади”, дейди аукцион уйи раҳбари Кен Голдин. Хабарда ёзилишича, аукцион жорий йилнинг август ойи бошида бўлиб ўтади. Эслатиб ўтамиз, Муҳаммад Али 3 июнь куни 74 ёшида оламдан ўтди. У 1984 йилдан буён Паркинсон касалидан азият чеккан. Маълумот ўрнида, Али энг кўп титулга эга боксчилардан ҳисобланади. У боксдаги фаолияти даврида 61та жанг ўтказган, шундан 56 таси (37таси нокаут)да ғалаба қозонган. Али ўз вақтида беш марта “Йил боскчиси” шарафига сазовор бўлган. Диққат, диққат! "UZBEKINO.NET"нинг Telegram’даги расмий каналига аъзо бўлиб, янгиликлардан баҳраманд бўлинг! | |
| Просмотров: 1027 | | |
| Всего комментариев: 0 | |