"Барселона” клуби ҳужумчиси Неймар молиявий қаллобликлар ва жиноятларга алоқаси йўқ эканини айтиб ўтди.

– Мен ҳеч қандай жиноят қилганим йўқ. Аммо одамлар очиқ-ойдин бўлган нарсани шубҳа остига олиб, қандайдир янгилик қилмоқчи бўлади. Улар нотўғри маълумотга эгами, ёки менга ёмонликни истайдим, билмайман.

Ишончим комилки, яқин вақтлар ичида барчаси ортда қолади. Майдон ташқарисидаги барча ишлар билан отам шуғулланади ва мен унга тўлиқ ишонаман. Менинг омадим келган, шундай отам бор ва бутун эътиборимни бемалол ўйинга қаратишим мумкин, – дея маълум қилди Неймар.

Эслатиб ўтамиз, Неймар "Сантос”дан "Барселона”га ўтаётганида молиявий фирибгарликлар амалга ошган. Шунингдек, Неймар ўз ватанида солиқ тўламасликда ҳам бир неча бор айбланган.