Shri-Lankada sodir bo‘lgan toshqinlar oqibatida o‘n minglab odamlar uyini tashlab ketishga majbur bo‘ldi. “RIA Novosti” agentligining ma’lum qilishicha, ofatda sakkiz kishi halok bo‘ldi. Foto: AFP Foto: AFP Hukumat qo‘shinlari aholini tog‘ yonbag‘ridagi ofat girdobida qolgan tumanlardan evakuatsiya qilish uchun yuborildi. Bundan tashqari, harbiy-dengiz floti toshqinlarni to‘xtatish maqsadida mamlakat poytaxti Kolomboda kanallarni tozalash ishlariga jalb qilindi. Ofat hududida istiqomat qiluvchi 5 ming oila vakillari gumanitar yordam ko‘rsatish markazlariga yo‘llandi, yana minglab odamlar qarindoshlarining uylarida joylashdi.