Ўзбекистон Республикаси Президенти Ислом Каримов Президент Владимир Путиннинг таклифига биноан 2016 йил 25-26 апрель кунлари расмий ташриф билан Россия Федерациясида бўлади. 

Ташриф давомида давлат раҳбарлари Ўзбекистон – Россия ҳамкорлигининг долзарб масалаларини муҳокама қилади, минтақавий ва халқаро аҳамиятга молик айрим муаммолар юзасидан фикр алмашади. 

Музокаралар якуни бўйича Ўзбекистон билан Россиянинг турли соҳалардаги ўзаро ҳамкорлигини янада ривожлантиришга қаратилган қатор ҳужжатлар имзоланиши режалаштирилган.