Булбул ҳам ўртанаркан ғунча гули васлида
Билмас эдинг ҳисларим сени дердим аслида
Ҳаётимда хато қилдим мен билан юрди армон
Дайди ел ҳам менчалик бўлмаганди саргардон.
Осмондаги юлдузга қўл чўзибман билмасдан
Соғинардим мен сени туролмасдим кўрмасдан
Яшаса бўлар экан сенсиз ҳам куним ўтди
Кўрганингдек турибман, яшаяпман ўлмасдан.
Қаддимни эгмоқчийдинг, қўлингдан ҳеч келмади
Мени алдаш истагинг асло рўёб бўлмади
Нима ҳам дердим сенга доим ёр бўлсин Аллоҳ
Ҳамма оғир кунимда у эди менга паноҳ.