Қудратим етганча ҳаётда  яшаб...

Баъзан шўх, баъзида ғамгин ноламан...

Ҳаёт фалсафасин ўргатманг менга.,,

Ўзимдан ўтганин ўзим биламан...

Сиз мени билмайсиз, билолмайсиз йўқ...

Қалбим қуёш каби порлаб турган чўғ...

Яшашни ўрган деб, ураверманг дўқ...

 Ўзимдан ўтганин ўзим биламан...

Ҳамдам ахтараман ҳаёт оралаб...

 Яхши-ю ёмонни билдим саралаб...

 Баъзан андуҳлардан қалбим яралаб...

Ўзимдан ўтганин ўзим биламан...

Муҳаббат изладим инсон зотидан...

Муҳаббат топмадим осмон остидан...

Кўкка учиб кетгум ёмон дастидан...

Ўзимдан ўтганин ўзим биламан...

Ўйламанг, дарди йўқ ғамсиз кимса деб...

Мен ёлғон дунёга мудом куламан...

 Лекин ич- ичимдан юрагим тилиб...

Ўзимдан ўтганин ўзим биламан...

Ўйламанг бир куни бош эгасан деб...

 Тўлсам ҳам бор- йўғи дардга тўламан...

 Шундаям бош эгмай қаддим тик тутиб...

 Ўзимдан ўтганин ўзим биламан...

Мени аврамоққа оввора бўлманг...

 Яхши қолинг, эсласам қайтиб келаман...

 Мени овутмоққа шошилманг, тўлманг...

                                    ЎЗИМДАН ЎТГАНИН ЎЗИМ БИЛАМАН..!

KOMRON SULTONOV